بلا حدود

موضوع: بلا حدود الإثنين أكتوبر 24, 2011 1:45 pm

عندما
يتميز الشاعر بكلماته ليعبر كل الحدود الفاصله بين مختلف المجتمعات و
الأفكار و العادات فلذلك سر يتضمن المعرفه الحقيقيه الصادقه باحتياجات
الأفراد و المجتمعات المختلفه
سهوله التعبير و اختيار الكلمات الواضحه المعانى بلا مبالغه او افتعال تعد
من اهم الأسباب للأنتشار السريع لكلمات الشاعر,الأسلوب المتمرّد الذى
يستخدمه الشاعر احمد الهمامى على الموروث اللغوي الذي كرّسته الأساليب
العربية القديمه و استخدام معاييرو تقنيات جديدة ومبتكرة من اهم الاسباب
للوصول الى العالميه ليصبح عابر للثقافات واللغات، من دون التخلّي عن
الخصوصية المحلية، وابتكار اساليب جديدة تترك أثراً عميقاً في وجدان
المتلقى.
اساليب الشاعر ترتبط بالقيم الإنسانية الحية والمشتركة مع هموم باقي البشر،
أكثر مما تضع نفسها داخل دوائر مسدودة أمام التحولات الإنسانية والمعارف
البشرية لذلك تصل كلماته الى القلب و العقل, فان دل ذلك على شىء فانما يدل
على صدق احساس الكاتب و هذا الأحساس هو السر الحقيقى ليصل الشاعر للعالميه.

لكى لا نطيل الحديث سوف اعطى امثله عن ذلك بكتابات الشاعر احمد الهمامى

•اللغه العربيه لغه الأمه العربيه و موحده لها تتميز باسلوب و احرف مميزه
مثل حرف "القاف" و قد كتب فى ذلك الشاعر احمد الهمامى رباعيه باسلوب سهل و مميز :

ورق بــــــرق خــرق شرق ســرق
مالك يا حــــرف القاف عامـل قلق
لازم تغيـــر اسمــــــك نطقك تقيـــل
ريحني أحسن هاقتلك وأقول غرق
وآه

•الوحده العربيه و الأنتماء للوطن و الديمقراطيه من اهم الموضوعات التى يهتم بها الجميع والترابط بين ابناء الأمه العربيه

إزاي تآمن يـــــــــــابن بــــلــدي عـــــدوك
عدو جـــــــــــدك وأخـوك وأبـــوك وأمـــك
تطبيع دا إيـــــــه يتنــــــــــــــيلوا بنــــــيله
يا عربي أحضن أخـوك وبلاش ولاد عـمك
وآه

ولسه جـــوايا الأمل والحــنين موجود
إنـــي أعـــــود لأرضي ولـ بلاد الجـدود
لاجــئ ومـــــــــــن حـــقي أعود للوطن
وعايز مســاعده بجد مش كلام ووعود
وآه

الاخـــــــــتلاف في الرأي قــد ينـــشئ قضيه
ويخلي أي كـــــــــــلمه تبقى فيلم وتمــثيلـيه
ومحـــــامي حــــــــــــامي وردح شـــــامـــي
معقول يا ناس دي تبقى برضه ديــمقراطـيه
وآه
• الحريه الفرديه و حريه الراى و الفكر قال فيها:

أسلوب حياتي هترفضـــه أو تقبله أنـــــت حــرّ
أنا طفل شـارع وغصب عنـــي أبتــــليت بالمــرّ
يتيم .. فقير .. مريض .. ما تقولش وأنا مــــالي
عندي أمل تساعدني مع إني لا هنفعك ولا أضرّ
وآه

حرية الرأى مكفولة من زمان فى كل كتاب ودين
والأمر شورى مــن أيـــــام محمد آخر المرسلين
يعنى أنا أتشجع و أقول كل اللى جوايــا ولا أخــاف
من المحاضر والقضـايا والحبس ويـــا المجرمين
وآه

•كتب كذلك عن الحياه و ايضا عن الموت فقال :

بين الحياة والمــــــــــوت فيه اختـبار
والكل داخل فيه بالجبر مش بالأختيار
اللى هينجـــــــــــح فيه بالنعيم هيفوز
واللى هيسقط فيه هيتـــرمى فى النار
وآه

يا مـلونين الحياه بأزهى ألـوان الربيع
ومخلينها جنه جميله يا سبحان الـبديع
متــــلونولي حيــاتي بالبمبـي الـمزهزه
ويـــــبقى كتر خــــيركم وأحسنتم صنيع
وآه
نشــــــــــيد وفي الربــــــيع تمـــلي يرددوه
الحـــــياه بقى لونها بمبي يا نــاس يا هوه
أنظـــر وأبص على الربيع أبو سحنه بمـبه
ألـــقاه خَضَار وحَمَار عكــــس اللي بيقولوه
وآه
أمــــانه عليك توصفه يا اللي انــت شفت الموت
وتقولي إيش ده يكون ووشوشني من غير صوت
أصــــل كل الناس هنا بتخاف قوي من دا الكـلام
مع إنــــــــه مكتوب ع الجميع ولـه معاد مظبوط
وآه

امتى هيــيجي اليـوم واتلفّ بالكفن في تابــــــــوت
يمكن سنين يمــكن ثواني بس المؤكد هـــــــــموت
أوصيك ياولدي لو جه الأجل إياك تبـكي عــــــــليا
ولا عايز عزا ولا لطم أنا نفسي أموت في سـكوت
وآه

راحوا وسألوا الفيلسوف عالفرق بين المـــوت والانتـــــحار
وبضحكه رد الفيلسوف أهو كله موت والفرق سوء الاختيار
واحـــد صـــــــــبر عالمــــــــــــــقدر طمعــــان في رحمه ربنا
وواحـــد كــــفر وماطقـــــش يصبر واختار يموت موته حمار
وآه

كتبت لكم رباعيات اخرى للشاعر احمد الهمامى فى انتظار رايكم :

يا ســـقف بيتنا مالك كده واطي وقصـير
كان نفسي تبقى في السما وعليك أدور
يا هــــل ترى الســـــقف رمز لدينــــيتي
ولا يكــون الســقف ده عمــري الصغير
وآه

قــــــــلوا الإنسان ده روحه مســـجونه في بـدن
ونفــــسه محبوسه في قلبه اللي جـــواه اتسجن
يعني البشر روح ونفس اتجمعوا وسكنوا البدن
طـــب ليه يعيشوا في سجن ويـموتوا في عـــفن
وآه

ياللي إنـت اســــــــــمك بيبتدي بالـ (ع)
أنا بحبك لــــجل ما أنت حـــــلو و ( ز )
وإن كـــان صـــــــــــــعيب علـــيا البوح
جوابـي دلك عالــــــلي في قلبي يـا (ع)
وآه

رقـــــاصه ورقصها على كل شكل ولـــون
شرقي وغــربي وكل نوع وله دايما زبون
الــــــــــــلي يحب الهز بينـــــــقط بالفلوس
واللـــي يحبه الهز يبقى السعيد في الكون
وآه

اعمل حســــــابك يا ابني بكـــره جاي
والله أعلـــــــــم هبقي ميــــت ولا حي
وإن كنت فاكرني هدوملك تبقى واهـم
الله يعيــــــنك عالحياه وماتقولـــش أي
وآه

أنا الـــــذي واقف ومستني في طـــابــور
وبقـــالي 41 عــــــام و 4 شهـــــــــور
واـــقف وحيد بلا أمل بلا عمل بلا زوجه
وكبـــــرت وزهقت وطهقت ونفسـي أثور
وآه

أنا نفسي أحـــــب حنا و حنـــا يحـــــــبـني
ويكون أخـويا بجد وف حضـــــنه يضـمني
ونحطم الســـدود ونشيل كــــــــل الحـــدود
وعلى طول الاقيه موجود وتملي يــودني
وآه

الدنـــــيا أعلنت يوم في الجـــــرايد
إنها عايزه تبيع الناس أو تقـــايض
3 بس ســــحبوا كراسه الشــروط
والـ 3 انسحـــــبوا ولا حد فايـــض
وآه

نســـــمه هوا فايتاني ومـــعديه
وكل يـــوم في ساعة المغــربيه
تخش صدري تنعنشه وتحسسه
إنه مـــــــلك ويـــاها الدنيـا ديه
وآه

أسير ومحبوس في السجن وسط المجرمـــين
بالذمــــــــه مش ده برضه يبقى شـيء مهـين
حتى لو كان الأسير عدو برضه له احتـــرامـه
وله معــــــاملة بطل دافع عن السمـا والــطين
وآه
كلاب وخنازير مَليِين عــرض الطـريق
ويـــا ويله اللي يفوت مـن غير صـديق
هيـــــحس إنه غـــريب وف دنيا تانــيه
ومـــن المؤكد هيشعر بغثيان وضــيق
وآه

على بعد خطوه واحده م البدايه وقــــــــــفـت
من خوفى لاوصل للنهايه ولا لأني ضـــعفت
باسأل ســــــــــؤال مالهوش إجـــابه مؤكـدة
بالرغم إن كل ســـــؤال وله جـواب عــرفت
وآه
اعمل ما تـعمل مش فارقه عَندِي
ومـــــــن النـهارده هوريك عِـندِي
أنا عِـــــــندي بــير مالهوش قرار
واســــــــــــأل عليا الهند وغاندي
وآه

طـــــابور الصـبح قوم جمع قـــوام
واصحى يا نايم وانتبه شد الحــزام
صـــفا انـــــــــتباه ردوا الجــــموع:
دي مـــدرسه ولا مــستشفت جزام
وآه
خـــــايب الـرجا والسعيد اتجمـعوا في يوم
واحـــــد ينُق ع التاني وواحد يقول مظلوم
خــــــايب الـــــــرجا قال للسعيد مــين قدك
رد السعيد وقــاله ع الشـقا ولا ع الهموم
وآه
أكم علـــيك يا شعب مصر حكموا واتحـــكـموا
ملوك وفراعين ومماليك وعسكر بس اتعلموا
إنـــــــك ياشــعب مـــــــــــصر فيـك المثــل قال
واحـــــذر غضــــــــب الحليم لو يـــوم تظلمه
وآه

تســـــلم لي يا خوفو يا ملك يا كبير منـــطقه الأهرامـــات
ياللي بنوك الفراعنه بالحب مش بالسخره أو بالشعوذات
أنا نفــــــــــــــسي تطــــلع من سكوتك وتقـــــول الحقيـقه
وتنـــــفي كــــــــــلام ولاد الـ...... اللي بيقــــولوا خرافات
وآه

موضوع: رد: بلا حدود الأحد يناير 29, 2012 10:14 am

شكراً على الموضوع بارك الله فيك

» عندما يتجاوز الاحساس حدود الكلمات
» هل للصبر حدود
» الغباء ليس له حدود ! صور مرعبة (+18)
» عش في حدود اللحظة الراهنة
» . . تجاوزك لـِ حدود الأشياء الجميلة . .