الجنة يمين والنار شمال

[size=16][size=21]الجنة يمين والنار شمال

يقول صاحب القصة :

جلس ذلك الرجل على السرير الأبيض ...

في إحدى المستشفيات.
وكان كل جسمه شاش ورجلينه كلها جبس
وما تسمع إلا الآهات
ماغير يحن ويون من الأوجاع اللي فيه
عاد أنا قلت يمكن إنه مسوي حادث قوي
أو إنه محترق أو أو أو ... إلخ
المهم جت الساعه 4 العصر
وبدأ وقت الزياره
أنا أستغربت من شي غريب مره
كل من جاء يزور هالشخص يطلع من عنده ميت من الضحك
أنا جاني الفضول وقلت وش السالفه ؟
وعلى هالحال كل من جاء وسلم عليه ما تسمع إلا ضحكهم من وراء الستاير
أنا قلت لازم أعرف وش السالفه ...
انتهى وقت الزياره
وعلى طول !دشيت لغرفته
وأقوله الحمد لله على السلامه
عسى ماشر ومن هالكلام
وأنا كل همي أعرف ليش يضحكون ؟

المهم قلت له : أنا أشوف اللي يجونك ما يرحون من عندك

إلا و ضحكهم واصل آخر المستشفى !

قال لي : هههههههههه ليـش عاد أنت حاسدنا على الضحكه ؟
قلت له : لا يـاخوي مو كذا السالفه والله لو عندك مليون كان يمكن أحسدك !
بس إضحكوا عادي خذوا راحتكم بس بغيت أعرف السر يعني ؟
إذا ما عندك مانع .

قال لي : طيـب ولا يهمك ...

أنت مثل ما تشوفني مكسر ومربط بالشاش .

قلت له : أيـوه والله ... الله يشفيك .

قال لي : يا طويل العمر أنا ساكن في شقه في الدور الثاني ،

وعندي بلكونه

وإذا نمت فتحت باب البلكونه وطفيـت النور وتسدحت على السرير .
ويوم نمت على السرير .

وغصت في أعماق أعماق نومي ،
حلمت اني في يوم القيامه !

وحلمت مثل ما تقول ان الناس في مكان مثل موقف الباصات
وفيه باصات رايحه للجنه وباصات رايحه للنار !!!
المهم الجماعه ينادون بالأسامي .. فلان بن فلانه باص النار ...

فلان بن فلان باص الجنه ..
وهكذا ...
فلان بن فلانه .. هاه هذا أسمي .. وقلبي يـدق و يـدق .. روح باص الجنه ..

اوووه الحمدلله أرتحت .
ومشيـت أدور على الباص اللي مكتوب عليه إلى الجنه ...

وحصلته ودخلت فيه .
مشيـنا بالباص وبعد فترة جاتنا لوحه مكتوب عليها
(( الجنه يمين )) ، (( النار يسار ))
وهذا وحنا مع اللوحات .. والله ونتعدى الجنه ...

قلت يمكن السواق يـعرف مكان لباب ثاني .
شوي وشفت النار 15 كيلو ... وبعد شوي النار 10 كيلو ...

وكل شوي نقرب من النار .
يا رجال وش السالفه .. المشكله الناس ساكتيـن وما أحد قلقان في الباص إلا أنا .
قلت بدخل ع السواق وشفته معطيني ظهره ...

أنت وين رايح ؟

قال لي بدون ما يلتفت : رايح النار يا حبيبي .

قلت له : أنا من أهل الجنه ..

وليـش توديني النار يا وجه النحس ؟!

وألتفت لي ... طلع هو إبليس !!!

الله يلعنك . أنا من أهل الجنه .. يا ملعون لا توديني النار ..

أنا من أهل الجنه .
والله العظيم إني من أهل الجنه ، تو من شوي قايلين إسمي ،

وقف يا ملعون ، وقف يا ملعون .
وهذا أنا أصارخ ...

وهو بأنواع الضحكات الشريره هاهاها ... هاهاها ... هاهاها ...

قلت له : يا ملعون وقف !!! أبي أنزل !!!

قال : والله الباص هذا مبرمج على انه ما يوقف إلا في النار ...

وركضت على الباب وفتحته ... وهوووب
ولا وعيت إلا في المستشفى ... اتاري قافز من البلكونه ... وطبيت على الأرض
وزي منت شايف حالي

!
تعوووذووووا من إبليس قبل تنامون
[/size][/size]

اعوذ با لله من الشيطان الرجيم
شكراً لك على القصة الجميلة

:bbg: :bgbgbg: :ddfg:

» معارك ضارية بين الجيش المالي والطوارق في شمال شرق البلاد
» الفرصة مهيأة باذن الله تعالى لهطول أمطار على أجزاء من شمال المملكة
» وصف الجنة
» نعيم الجنة
» نداء من أجل الجنة