جرح انسان

موضوع: جرح انسان الجمعة مارس 02, 2012 3:57 pm

ادري انته غريب وكل غريب يروح
كالوهه كبل بس ما خذت عبره
وادري انته شمس وكت الغروب اتغيب
وادري الليل يمك يحفر ابكبره
وادري الجام طيفك يعتني وي اليل
وادري العين فجأه وتنكلب مهره
صرت بيد القدر ابره وتبعتك خيط
ومشيت اعله الجرح ما كتلك شكبره؟
اثاري انته تلف بيه على جرح انسان
حب وحده غريبه وخنكته العبره
وتسألني الورق ابيض بياضه منين؟
ولك كثر القصايد شيبت شعره
ضل محني القلم فوك الورق سنتين
مو حقه القلم من ينكسر ضهره؟
نصك يعتذر نص ما يقر بالصار
هم راضي تعال لخاطر العشره
ايه مثل النخل نص منحني وخجلان
ونص واكف بزوده وهيبته وصدره
مغرور الجذع لن اعله من الكاع
يتباهه اعله كاعه بوكفته وتمره
وسعفات النخل تدري الجذع غلطان
محنيه بأدب للكاع معتذره
من الشاف الصبر مافاد كلبي اغتاض
للمحتاج كام يوزع بصبره
وكد ما محترك ما باوعت عل نار
دخنت الجكاره بصفحة الجمره

موضوع: رد: جرح انسان السبت مارس 17, 2012 6:23 am

موضوع .. رآآآئع أختي دموعهـ ... يعطيك الف عآآآفية ...يآآآرب ..

متميزة لا تحرمينا جديدك

موضوع: رد: جرح انسان السبت مارس 17, 2012 10:28 am

موضوع: رد: جرح انسان السبت مارس 17, 2012 10:37 am

ابدعتي اختي وتالقتي
تقبلي مروري
ولا تحرمينا من جديدك

» لكل قلب انسان ولكن ليس لكل انسان قلب يحمله
» عذراً لم يتم العثور على انسان
» انت انسان رائع
» مااجمل ان يكون لديك انسان"؟؟..يحبك,,,
» رغم أحزانى .. أنا انسان ..