قصص طريفه

موضوع: قصص طريفه الأحد أكتوبر 16, 2011 8:25 am

قصص واقعية وطريفة عن مايحدث في الأيااام الأولى للزواج بيين الزوجين
وإنشاء الله تعجبيكم

فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على
الأرض ،،، فلما تزوجت وفي -الأسبوع الأول - من الزواج وحين نهض الزوج من
وجبة الغداء لغسل يديه مــدت الفتاة رجلها - كالعادة - فسقط الزوج وكسرت
ذراعــه واما الفتاة من شدة خجلـها من الموقف ذهبت لأهلهـا !!!!!

خطب احد الأشخاص أخت صديقــه وأراد من صديقه أن يمكنه من رؤيتها - دون أن
تشعر الفتاة - وقام الأخ وضبط الموقف حيث اشترى بعض الأغراض وأدخل السيارة
في الفناء الداخلي للمنزل ونادى أخــته لحمل الأغراض من السيارة - والخاطب
يبصبص من شباك المجلس - وجاءت البنت وحملت كرتون البيبسي وقامت تركض و
تدوربالكرتون و( تفحط ) كأنها تقود سيارة !!!!!! ولم تعلم البنت الأ في
ليلة الزواج حين اخبرها الزوج فما كان منها إلا أن بكت من شدة الخجل ،،،،

واحد تزوج على زوجته ( ومن الحرة اللي فيها )... جت في ليلة عرسة خذت ثيابه
اللي بيلبسها ومسحت عليها قشر برشوم " والبرشوم فاكهه لها أشواك رهيبة
وماتنشاف

فيه وحده تقول في اول ايام زواجي طلب مني زوجي ان افتح له علبة بيبسي ....
قمت وفتحت العلبة قدام وجهه و.. يا للهول طاااااااش البيبسي على وجه
وملابسه والجدار .. وانا مع خوفي جتني حاله هستيرية من الضحك وأنا أشوف
هالموقف ..

فيه وحده تخجل مرة مرة .. ولما تزوجت كانت تخجل حتى تتكلم مع زوجها ..
وكانوا الحريم يلومونها على هالخجل الزايد ويقولون لها لازم تحكين مع زوجك و
تمزحين معه تدفينه بيدك مثلاً .. وصممت هالمرأة على كسر هالحاجز من الخجل
الزايد ...ومرة من المرات هي وزوجها بالسطح يوم جاء الزوج بينزل مع الدرج
ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع
هالدرج الى ان وصل آخر درجة وهو بعد ما استوعب وش اللي صــــــار ..

وحده يوم عرسها بعد ما خلصت من التجميل والتسريحة .. جت تطلع على الحريم
والرزة على المنصة .. شافت بعض ( الحمرة ) في يدها دخلت تغسل يدها وفتحت
الحنفية .. ومـادرت الا والدش يصب على راسها !!

وفيه وحده بعد تقول في الاسبوع الاول من زواجي حلمت اني العب مع اخواني
وقام اخوي الصغير واخذ شي من اغراضي وقمت الحقه حتى مسكته وقمت اضربه
واصفقه .. يوم توقظت لقيت اني اضرب زوجي !!

موقف حصل لاحد البنات محرج مره وهاكم الموقف البنت هذي انخطبت وطبعا جاء
العريس وابوه لاهل البنت عشان يتفقون على لوازم الفرح والذي منه انتم
عارفين طبع 00المهم اللي حصل ان هذه البنت واخواتها يبغون يشفون العريس
وكان في غرفه مجاوره لغرفة المجلس يفصل بينهم باب سحاب البنت هذه واخواتها
متجمعين عند الباب ومطفين النور وكل واحدة تدفع الثانيه تبغى تشوف وفي هذه
المعمعه والدافع والمدفوع لشوفة العريس ولكثرة الضغط والدفع مادريت هذه
البنت الا وهي مدفوعه من الباب .. طبعا موقف لا تحسد عليه.

موضوع: رد: قصص طريفه الأحد أكتوبر 16, 2011 2:53 pm

هههههههههههههههههههههههههه

يسلمووو أختي الدمعة

موضوع: رد: قصص طريفه الأحد أكتوبر 16, 2011 5:05 pm

مشكورة على المرور الراااااااااااائع

قصص رائعة شكراً لك اخي