تخارق اول يوم صيام

نصيحة
كل سنة فى رمضان «لا تكن ملتوياً كالكنافة ولا منطوياً كالقطايف» فالترتيب
هو، الكنافة أولاً ثم الدستور ثم القطايف ثم الكعك، لكن لأنه طبقاً لقاعدة
«الفك والتركيب» فإن أول حاجة تتفك هى أول حاجة تتركب، لأن «العجوة» من
التراث لكن «الملبن» غزو ثقافى لذلك دعونا نبدأ بالكعك ونحكى ما قالته
«الباتعة الكيكى» فى هذا الشأن.
(رصيت الكعك فى الصاج صفوف زى الوزراء فى الصورة التذكارية، وحملته على راسى إلى الفرن وطلبت نار هادية.. قال لى عم فراج الفران:
- «لو عايزة نار هادية ارجعى استلميهم بعد ساعة، ولو عايزة نار حامية ارتكبى المعاصى فى رمضان».. قلت له:
-
«خلى لك النار الحامية وخلى النار الكلاسيك للكعك».. عم فراج الفران عارف
إنى جد وما أحبش الهزار علشان كده وقف يكلمنى عن هبوط البورصة وقال:
-
«إن (المضارين) من هبوط البورصة الحكومة ح توزعهم على المآوى».. فأنا قلت
له: «إن (المضارين) فى البطن بتتعارك مع بعضها والصلح خير»، وأخبرته أن
كتب كتاب «زوبة» على ابن خالة خطيبها من عريسها الأولانى اللى كان مقدم
على شقة وطلع اسمه فى قرعة الحج يوم الخميس بعد الكعك والصلح خير.. قال لى:
-
«فعلاً أنا اتصالحت مع الحى ورئيس الحى قال لى (ابنى براحتك) فوق الفرن
وما تخافش من الحريقة ما هو القطر والمجلس والمسرح والعبارة اتحرقوا زمان
علشان ما كانش تحتهم فرن، وإحنا دلوقتى فى ثورة».. فى الوقت ده كان أول
صاج طلع من الفرن بنفسه ومن غير ما حد يطلعه قلت له:
- «سبحان الله، الصاج طلع لوحده من الفرن، لكن ده مش بتاعى لأنى رصاه صفوف وزراء لكن ده طالع طوابير أمن مركزى».. قال لى:
- «لأ، الصاج ده بتاعك».. قلت له:
- «بس دى قرص مش كعك!».. قال لى:
- «أصل النار عالية وسدت خرام الكعك وحولته إلى قرص».. قلت له:
- «يا عم فراج أنا حاطه ملبن».. قال لى:
-
«ما هو باين على وشك إنك حاطه ملبن فوق كريم الأساس».. المهم كلمة من هنا
وكلمة من هناك بقية الصاجات اتحرقت واتفحمت وسمعت فى التليفزيون إن السبب
هو ماس كهربى، وإن فرح «زوبة» اتأجل لأغسطس ويمكن يعملوه فى قاعة أكاديمية
الشرطة.. وسألت عم فراج هل أعُيد عمايل الكعك إللى اتحرق، فرد عم فراج
وقال: «بعد العيد ما ينفتلش كعك»).

شكرا لمرورك

شكراً لك يا مبدعة على المواضيع الرائعة
[ندعوك للتسجيل في المنتدى أو التعريف بنفسك لمعاينة هذه الصورة]

شكرا لمرورك